Velkomin á Sonnberg-vefsetrið!

Á netinu eruð þið nú komin á einn af fjölbreytilegustu ferðamannastöðunum í Salzborgarhéraði í Austurríki. Það væri okkur mikil ánægja að mega á næstunni bjóða ykkur velkomin á sumardvalarstaðinn Sonnberg.

Fannhvítur vetur, endalaus háfjallageimur, víðáttumiklar skíðabrautir, sprellfjörugt snjókast, frumlegir og skondnir skíðaskálar... Hér í Salzborgar sportheiminum hefst vetrarfjörið skömmu fyrir jól og endar um páska. Með fjölmörgum ógleymanlegum sólarvikum, skínandi snjókristöllum og geislandi andlitum fólks sem er að slappa af og skemmta sér.

Ferðamannastaðurinn Sonnberg er friðsæll og unaðslegur en þó ekki nema steinsnar frá skíðalyftunum. Enda er leit að annarri eins vetrarparadís fyrir fjölskyldur með börn. Ef þið viljið hugsum við um og skemmtum smáfólkinu heima við, förum í skemmtilega leiki og hjálpum því að byggja snjókarla. Þau sem eru orðin svolítið stærri geta farið í skíðaskóla í næsta nágrenni og orðið hreinustu skíðameistarar!

Þið getið fullkomlega treyst okkur fyrir börnunum ykkar á meðan þið sjálf njótið lífsins á gönguskíðabrautum, í svigbrekkum eða á gönguvegum. Í Flachau/Reitdorf eru tvær lyftutengingar með nýjustu gerðum af stóla- og kláfalyftum; önnur tengir saman skíðasvæðin Flachau, Wagrain og St. Johann en hin Flachauwinkl, Kleinarl og Zauchensee. Þannig geturðu komist fljótt og vel frá gististaðnum í Sonnberg og í eftirlætis brekkurnar þínar. Ef tíminn í fríinu þínu leyfir geturðu líka notað lyftukortið til að prófa aðrar skíðabrautir sem eru á sama lyftukortasvæði.

Sonnbergfrí er mikil upplifun fyrir alla fjölskylduna. Þetta er enginn persónulegur dómur okkar sjálfra, heldur höfum við þetta eftir öllum þeim fjölmörgu gestum sem ekki gátu leynt hrifningu sinni. Og mikið væri nú gaman ef við fengjum líka að bjóða ykkur velkomin í Sonnberg frí!

Meðal annarra orða:
Vefsetrið okkar getið þið lesið á ensku, þýsku eða hollensku eftir vali.

Vinsamlegast látið okkur vita hvort þið viljið frekar að við svörum fyrirspurn ykkar eða pöntun á ensku eða á þýsku.

Hjartanlegar þakkir fyrir heimsóknina á netinu. Sæl að sinni og sjáumst næst í Sonnberg!
Bestu kveðjur frá fjölskyldunni Witting í Flachau-Reitdorf í hinu undurfagra Salzborgarhéraði!

Póstáritun:
Familie Witting,
Sonnberg Ferienanlage
A-5542 Flachau / Reitdorf
Sími +43/(0)6457/2751
Fax +43/(0)6457/2151
info@sonnberg.com